Roja Şemiyê çend penaberên ku neha li Sumerparkê diminin û ji der û dorê Dihokê hatine, bi pêşengiya Evuqat Kamiran Selo Semo xwestin daxuyanî bidin. Lê awareyên ku ji Şingalê hatine û li avahiyên şaredariya Baglera dimînin, nerazîbûn ku li ser navê wan daxuyanî were dayîn.
Ji Şengalê Elî ji Dengê Amerîka re got "Em xelqê Şengalê qebûliya me nîne li ser navê xelqê me tiştekî bêjin.Em xelqê Şingalê dizanin ku PKK û YPGê rê li xelqê me vekir û wan xelas kir. Di alikariyan de texsîr nekirine û kes nikare van alikariyan înkar jî bike."
Mirza jî got "Dexwaza me heye ku li ser hesabê Şingal kes Şingal nexapîne. Hinek kes ku ji nav Duhokê hatine li ser hesabê Şingalê dixwazin harin Ewrupa."
Parêzer Kamîran Selo Semo ji Dengê Amerîka re got "Me xwest ku deng û hawara êzdiyan bigînin rêxistinên navnetewî lê jiber xwîna xelqê me yê Şingalê hê germ e, birînê wan teze ne, heqê wan heye ê dilê xwe bêjin. Em heman xelq in û di nava me de çi mişkule nîne."
