Wekî ku tê zanîn li Amedê gelek komele hatin girtin ku gelek ji wan li ser ziman û çanda kurdî xebat dikirin. Wekî Kurdîder, Navenda Çanda Dicle û Feratê û gelekên din...
Lêkoliner û mamosteyê zimanê Kurdî Îbrahîm Halil Taş li ser girtina komeleyên Kurdan hizrên xwe ji Dengê Amrîka re anî ziman.
wî got:
"Komara Tirkiyê de destpêkê de li ser tune hesibandin û pişaftina kurdan hat avakirin. Ji destpêkê ve asimilasyonek tund hebû û neha dîsa rewş vegeriya demên berê."
Birêz Taş balê dide ser nemana hêstên hevpar yên gelê Kurd û Tirk û hişyar dike ku ev dibe sedema perçebûnê.
Herwiha destnîşan kir piştî hewla derbeyê hikumetê berê xwe da kurdan.
