Komela Rojramevanên Hemdem (ÇGD) li Enqerê xelata rojnamevanên ku di sala 2021’an de serfirazî bûne da.
Li Navenda Hunerên Hemdem merasîmek hate çêkirin. Di merasîmê de berî dayîna xelatan hate gotin ku li Tirkîyê mafên gelek rojnamevanan hatiye binpêkirin û bi dehan rojnamevan hê jî li girtingehan in.
Di daxuyanîyê de dan bibîrxistin ku Tirkîye di warê lîsta azadîya çapemenîyê de di nav 180 welatan de di rêza 154’an de ye.
Komelê, di warê rojname, televîzyon, radyo û înternetê de 16 rojnamevan û bi giştî 22 xelat dan. Xelatên ku hatin dayîn ev in:
Xelata Nûçe: Seyhan Avşar, Xelata Rojnamevanîya Lêkolînê ya Ugur Mumcu: Murat Agirel
Xelata Nûçe ya Mustafa Ekmekçî: Mahmut Hamsici, Xelata Rafet Genç: Ruşen Takva
Xelata Nuçe ya Behçet Mîser: Osman Kaytazoglu
Xelata Nûçeyên Înternet: Hale Gonultaş û Volkan Nakîboglu
Xelata Roportaj: Ugur Şahîn
Xelata Fotograf ya Îzzet Kezer: Sedat Suna
Xelata Karîkatur: Alî Tarik Hatîpoglu
Xelata Nûçe ya Medya Herêmî: Sînan Aygul
Xelata Dîzanya Rûpelan: Bariş Can Sarikaş
Xelata Lêkolînê ya Orhan Kologlu: Hifzi Topuz û Recep Yaşar
Xelata Nûçeyên Televîzyonê: Mahmut Ozgun û Serhat Yagmur
Xelata Belgefîlma Televîzyonê: Fatima Çelîk
Xelata Bernama Televîzyonê ya Mahmut Talî Ongoren: Melîs Danişmend
Xelata Bernama Radyoyê: Adnan Bostancioglu
Di destpêka hatina pênaberên Afqanî de cara yekê li Wanê rojnamevan Rûşen Takva dîmenên pênaberan kişandibûn û weşandibûn. Ev dîmen demeke dirê ji alîyên karbidestên Tirkîyê ve hatibû derewandin, lê Rûşen Takva li ser vê nûçeyê xelata Rafet Genç Girt.
Takva, piştî girtina xelatê ji Dengê Amerîka re got ku ew sê roj li sînorê Îranê rawestîn ku hatina pênaberên Afgan tomar bikin.Piştî ku ew nûçe hate weşandin Wezîrê Karê Hindur di destpêkê de nûçeya me derewand.
“Rastî me dema ev nûçe çêkir, pirsgirêka me ya herî mezin di weşandina wî de bû. Wezirê Karê Hunir Suleyman Soylu ev hatinan pêşî derewand. Li ber vî jî kesî nûçe nediweşand. Me jî li ser medya civakî ev dîmenên ku kişindibû weşand. Lê dure em rast derketin û ew jî mecbûr man û hatina pênaberan pejirandin.”
