Di şer û pevçûnên nû yên navbêra leşkerên hikûmetê û çekdarên Îslamî de, bi kêmî ve 19 kes li Mogadishu ya paytaxt hatin kuştin. Tê ragihandin 68 kesên din jî birîndar bûn.
Dîdevan dibêjin şer û pevçûnan roja Pêncşemê destpê kir, piştî çekdaran êriş kirin ser hêzên hikûmeta Somal û Yekîtîya Afrîkî.
Pevçûn di du taxên Hodan û Howldag de zêde bûne, ku di bin konrtola hikûmetê de ne. Karbidestên saxlemîyê jî didine zanîn ku piranîya qûrbanîyan kesên sivil in.
Gruba El Şebab ya mîlîtan berî meheke destbi êrîşan kirîbû, jibo hilweşandina hikûmetê. El Şebab û Hizbul Îslam piranîya başûra Somalû paytaxt Mogadishu kontrol dikin.