Yekemîn dibistana seretayî ya Kurdî Ferzad Kemanger, ku sê sal berê li Amedê vebû, do bi biryara wîlayeta Amedê hate mor kirin.
Li dibistanê 250 zarokên ku temenê wan di nav 5 û 11 salî de, bi Kurdî perwerde didîtin. Ji yekê heta sêyê 11 pol hene û ku du pol pêş dibistan in.
Yek ji mamosteya dibstanê Leyla Bagatir da zanîn ku roja Çarşemê mufetişên wezareta perwerdê hatine vêkolînê û li ser rapora wan wîlayetê dibistanê da girtin.
“Biryara girtina dibistanê de hatiye gotin ku dibistana wan ne li gor pîvan û qaydeyên perwedeya netewî ye. Ez pir xwemgîn im ku perwedeya zarokan nîvçe dimîne.”
Bagatir dîyar kir ku piştî girtina Zarok TV ew li benda biryareke wiha bûn, lê ewê zarokan şeperze nekin û heta ji wan bê, ewê perwedehîya xwe bi şikleke din bidomînin.
Sê sal berê li Amed, Gever û Cizîrê dibistanên seretayî yên Kurdî hatibûn vekirin, lê ji bilî Ferzad Kemanger çar dibistan hatin girtin.
Dibistana Ferzad Kemanger di 14’ê Îlona 2014’an de bi piştgirîya şaredarîyan hat vekirin. Lê di rojên pêş de bi biryara serdozgerîyê derîyê dibistanê hat mor kirin. Malbat û gel li dijî morkirina dibistanê çalakîyan lidar xistibûn û wîlayetê jî piştî bertekan îcazê da ku perwede destpê bike.
