Xwenîşandanên dijî hikumetê li Sûrîya agir berda ofîseka partîya Ba’as û navendeka polîsan li bajarokê Tafas li başûra Sûrîya. Roja Şemîyê bi hizaran xwenîşander gûrbûne nav cada piştî behîya 3 xwenîşanderên dijî hikumetê li roja heynî hatibûn kûştin.
Her li vî demê ajansa Associated Press ragihand kû şer û lihevçon di nêvbera hêzên parastina dewletê û xwenîşanderan de li bajarê Latakia qewmîn.
Roja Şemîyê xwenîşandanên nû li bajarê Der’a hatin rêkxistin, ku şahîd dibêjin 15 lê hatin kûştin.
Komalên mafê mirovan radigehînin kû hikumeta Sûrî pitir ji 260 zîndanîya berdane, piranîya wan endamên komelên Îslamîne sêyêkîya hukimê zîndana xwe derbaz kirine.
Her Îro Şemîyê jimareka çalakvana li pêş Seraya Sipî lihev civyan bo piştevanîyê li xwenîşandanên dijî hikumetê li Sûrîya. Cîhad Hesen, êk jiwan çalakvana gote Pişka Kurdî ya Dengê Amerîka, wan divêt dengê xelkê Sûrîya bigihînin cîhanê.
Jibo guhdarî kirina hevpeyvîna Dexîl ê Şemo digel Cîhad Hesen, lînka ‘Guhdarî kirin’ li bin yan rexê rastê vê perê kilik bike û eger te gotinek yan têbînî liser bîr û bawerên wî hebin, di valahîya xwarê de binivîse.
